由於隔離果位病人係一個聽覺唔太好既婆婆，所以我訓在佢隔離，都唔多好訓

好早就醒左，姑娘走黎剪左條尿喉，而個血盒都係要等醫生黎幫我拆，食完早餐，呆呆的訓在床上，已經11點喇，醫生都仲未黎，我唔敢落床，但又想去尿尿，最慘係唔想用尿盤，點？？？惟有忍住先

鍾生黎左探我，唉....講笑都冇用，唔識得笑呀，我等緊醫生黎拆盒架，我想去尿尿呀！

12點醫生終於黎左，今日見到醫生，簡直係中左頭獎咁開心！醫生即刻同我拆哂d紗布，洗傷口，拆埋個盒，有一支針插住我個肚，抽出黎果下有dd痛，全程我都冇望過一眼，對眼只係望住個天花板，因為我好驚

醫生好熟手兼快手，又幫我封番靚佢，好野！全身都冇野痴住，我可以落床啦！

鍾生扶住我慢慢落床，因為第一次落床會見暈喎，但我冇，感覺好好，不過下身好重，個傷口扯住，所以個身有少少蝦米feel，行得好慢。

可以隨便落床，自由到就大增啦！我即刻床在椅上，嘆番個午餐先，真係好恩啊！心情好興奮！食食下我兩個靚表妹同埋sammi都黎埋探我，佢地陪我食野啦！真高興！

水瘤化驗報告會在今晚有結果，我有擔心，不過未算好緊張！

因為可以自己落床，我就慢慢行出病房行下，又多坐床側邊既登。

下晝我奶奶同埋鍾生兩個亞姨都黎到醫院探我，最開心係亞姨送左一束好靚既玫瑰比我，之前我訓在床上，見到對面個太太，仲有窗邊個女仔都有花，已經覺得好開心，原來自己都有，哈哈！

夜晚10點鐘，醫生帶住報告黎到我床邊。

醫生：嗯...好好，所有都係良性，冇事！

我：真既？我冇事？

醫生&姑娘：係呀！

我：嘩！感謝主！

醫生同姑娘都表現得好開心

醫生走左之後，我將我既好消息，話續個朋友親人去通知，實在高興！感謝主！